Tanrının ilk yaratdığı Söz olub deyirlər. Müqəddəs dini kitabımız “Qurani-Kərim”də tez-tez rast gəlirik: ”And olsun Sözə”. Həzrəti Peyğəmbərimiz göydən gələn Söz dalınca Nur dağına çıxdı. “Quran” nazil oldu. Tanrı özünün sevdiyi-seçdiyi bəndələrinə də, şairlərə də Söz göndərir. Deməli, doğrudan da Peyğəmbərlərdən sonra şairlər gəlir.

Alman faşizmi üzərində Qələbənin 67-ci il dönümü İsmayıllı şəhərində də qeyd olunmuşdur.

Hər bir təşkilatda ümummilli lider Heydər Əliyevin anadan olmasının 89-cu ildönümünə həsr olunmuş tədbirlər keçirilməkdədir. May ayının 7-də Fazil Əzimov adına İsmayılllı rayon incəsənət məktəbində fortepiano şöbəsində təhsil alan sinif şagirdlərinin konserti olmuşdur.
Sinif müəllimi Gülşən Nəbiyevanın yetirmələri rayon mədəniyyət evinin iclas zalına toplaşanlar qarşısında geniş, maraqlı, alqışlarla qarşılanan konsert proqramı ilə çıxış etmişlər.
Konsertdən sonra tədbirdə iştirak edən valideynlər məktəbin pedaqoji kollektivinə xüsusilə də G.Nəbiyeva minnətdarlıqlarını bildirmişlər.
“İsmayıllı xəbərləri”

May ayının 4-də Heydər Əliyev adına parkda yerləşən Gənclər Mərkəzində Gənclər və İdman İdarəsi İsmayıllı Ailə və Uşaqlara Dəstək Mərkəzi ilə birgə xüsusi qayğıya ehtiyacı olan əlil və qüsurlu uşaqların əl işlərindən ibarət sərgi keçirmişdir.

2011-ci il oktyabrın 18-də Azərbaycan Respublikasının prezidenti İlham Əliyev “Azərbaycan Respublikasının dövlət müstəqilliyinin bərpasının 20 illiyi ilə əlaqədar bir qrup şəxsin təltif edilməsi haqqında” sərəncam imzalamışdır.
Azərbaycan Respublikasının ictimai-siyasi, sosial-iqtisadi və mədəni həyatında xidmətlərinə görə “Tərəqqi” medalı ilə təltif olunanlar sırasında həmyerlimiz, rayon mədəniyyət evinin işçisi Sahibə Abbas qızı Abdullayevanın da adı vardır.
Yüksək mükafat münasibətilə Sahibə xanımı İsmayıllı rayon ictimaiyyəti adından ürəkdən təbrik edir, ona can sağlığı və yeni-yeni nailiyyətlər arzulayırıq.
“İsmayıllı xəbərləri”

Mart ayının 27-də “Gülüstan” şadlıq sarayında sarayın yenidən qurulmasından sonra açılışı və Azərbaycan Respublikasının Prezidenti İlham Əliyevin sərəncamı ilə “Tərəqqi” medalına layiq görülmüş müğənni Sahibə Abdullayevanın yaradıcılığına həsr olunmuş təntənəli tədbir keçirilib.
Tədbirdə çıxış edənlər sarayın yeni tərtibatla quruluşuna görə sahibkar Məhərrəm Mövlamova razılıqlarını bildirmiş , ona iş avandlığı, Sahibə xanıma yeni yaradıcılıq uğurları arzulamışlar.
Dəvətlilər sırasında M.Mövlamovun sahibkar dostları , S.Abdullayevanın yaxınları , eləcədə rayonun əlaqədar təşkilatlarından nümayəndələr olmuşdur.
Tədbirin bədii hissəsində rayonun incəsənət aləmində tanınan sənətçilərin ifaları iştirakçılara xoş ovqat bəxş etmişdir.
2011-ci ildə keçirilən muğam müsabiqəsində milyonlarla muğam həvəskarının rəğbətini qazanmış Kamilə Nəbiyeva da ifaçılar sırasında olmuşdur.
“İsmayıllı xəbərləri”

Aprel ayının 5-də Gənclər Mərkəzinin akt zalında Gənclər və İdman İdarəsi “Gənclərin İntellektual İnkişaf Mərkəzi” İctimai Birliyi ilə birgə “Xəmsə” Milli İntellektual oyununun V çempionatının “ Şirvan ” zonası üzrə yarışını keçirmişdir. Oyunun keçirilməsində məqsəd gənclərin intellektual səviyyəsinin və komandada işləmək bacarıqlarının artırılmasıdır.

İsmayıllı rayon Uşaq və Ailələrə Dəstək Mərkəzinin təşkilatçılığı ilə rayonun Mədəniyyət evində mart ayının 17-də maraqlı Novruz bayramı şənliyi keçirildi. Mərkəzin direktoru Lətifə xanım Əliyeva xüsusi qayğıya ehtiyacı olan fiziki qüsurlu uşaqları, onların simasında İsmayıllı ictimaiyyətini bayram münasibəti ilə təbrik etdi.

Əsmər Məsudqızı İsmayıllı şəhər 1 saylı tam orta məktəbinin III sinfində oxuyur. Onu şeir yazması, maraqlı rəsmlər çəkməsi bir çox həmyaşıdından fərqləndirir. Əsmər dərslərini də əla oxuyur.